12 Մայիս 2015ին, 11րդ դասարանի աշակերտները պատրաստած էին “Rally Paper”ի հետաքրքրական մրցանք մը, նախ՝ աշակերտութիւնը ներգրաւելու այս գրաւիչ մրցոյթէն ներս, ապա՝ անոր ընդհանուր գիտելիքներու պաշարը հարստացնելու:
Մրցումին մասնակցեցան 7րդ, 8րդ, 10րդ դասարաններու աշակերտները, մասնակցութեամբ ու խանդավառ տրամադրութեամբ, իրենց գիտելիքային ու մրցումային շնորհները ցուցաբերելով:
Մրցանքը տեղի ունեցաւ ներդպրոցական սահմաններէն ներս, 12 կայաններու նշանակումով, որոնք բաժնուած էին դպրոցաշէնքին մէջ:
Խաղամրցումը կը բաղկանար հանելուկներէ, խաղերէ, հնարքներէ, կապուած հայոց պատմութեան, գիտութեան, ուսողութեան եւ ընդհանուր զարգացման հետ առընչուող հարցումներու, իւրաքանչիւր կայան ունենալով իր պատասխանատու ներկայացուցիչը:
Աշակերտութիւնը՝ մասնակից թէ դիտորդ, մեծ խանդավառութեամբ հետեւեցաւ մրցախաղի ընթացքին, քաջալերելով իր խմբակը, իսկ աւարտին յաղթող խմբակը (7րդէն՝ Գարին, Տէյվիտ, 8րդէն՝ Գարին, Բերլա, 10րդէն՝ Սերժ, Ռիթա-Մարիա)արժանացաւ բոլորին շնորհաւորութեան:
Յիշեցնենք թէ՝ այս գեղեցիկ եւ ոգեւորող մրցախաղը տեղի ունեցաւ ուսուցչուհի Տիկ. Հուրի Ղազարեանի հսկողութեամբ: