Նարեկ Կարապետեան (7-րդ դասարան – ՀԲԸՄի Դարուհի-Յովակիմեան Երկրդ. Վարժարան)
Պատասխանատու ուսուցչուհի՝ Օրդ. Սալբի Ճուլֆայեան
111 տարիներէ ի վեր Հայկական Բարեգործական Ընդհանուր Միութիւնը կ’աշխատի Հայ ժողովուրդին ազգային դիմագիծի պահպանման եւ այլազան մարզերով կը պայքարի Հայաստանէն դուրս հայ մարդուն գոյութեան յարատեւման:
Ես շատ կը սիրեմ Հայկական Բարեգործական Ընդհանուր Միութիւնը, որովհետեւ հնարաւորութիւ տուած է ինծի հասակ առնելու հայկական ապահով հովանիի մը տակ,որուն ապագան խօսուն է ու փայլուն: Դարուհի-Յովակիմեան վարժարանի սան եմ, Սկաուտական շարժումին անդամ եմ եւ Փողերախումբին պատանի երաժիշտներէն մէկն եմ: Այս միութիւնը փոքր հասակէս սնած է զիս, սորվեցուցած է բազմաթիւ նորութիւններ եւ տուած է անսահման գիտելիքներ. Այս միութեան նշանաբանն է «Միութիւնը Զօրութիւն է» եւ այս մէկը շատ ճիշդ խօսք է, որովհետեւ առանց գործակցութեան եւ Միութեան հովանիին անկարելի է յաջողութեան հասնիլ:
Ես շատ շնորհակալ եմ այս միութեան ,որ ինծի տուած է այս բազմաթիւ հնարաւորութիւնները : Խորհուրդ կու տամ բոլորին, որ մաս կազմեն Հ.Բ.Ը.Մ-ին:
