Չորեքշաբթի, 17 Մայիսին Պօղոս Գ. Կարմիրեան վարժարանը այցելեցին Ալաան հեռուստակայանի թղթակիցները, որոնք Լիբանանի մէջ, հայկական գաղութին մասին տեսահոլովակ մը պիտի պատրաստէին:
Անոնք նախ հանդիպում ունեցան վարժարանիս տնօրէնուհի՝ Տիկին Մարալ Պալեօզեանի հետ և կարճ հարցազրոյցէ մը ետք, այցելեցին չորրորդ դասարանը և նկարահանեցին հայերէն լեզուի դասաւանդման պահ մը: Ապա այցելեցին ութերորդ դասարանը և ականատես եղան արաբերէն լեզուի դասաւանդման:
Թղթակիցները զարմանքով և հիացումով արտայայտուեցան, թէ ինչպէս Ցեղասպանութենէն ճողոպրած և վերապրած հայորդիներու թոռներ սփիւռքեան պայմաններու մէջ պահած ու պահպանած են իրենց մայրենի լեզուն, և անոր կողքին տիրապետած են նաեւ արաբերէն, անգլերէն և ֆրանսերէն լեզուներուն:
